اسهم الاشاعات تخترق قلبي وتدمر عالمي.ارجو من الجميع الدخول

[فديت شلتي]

اسهم الاشاعات تخترق قلبي وتدمر عالمي


بسم الله الرحمن الرحيم
السلام عليكم ورحمة الله وبركاته
صبااحكم//مسااائكم...خييير

إدارياتي...دكتوراتي...معلماتي..صديقاتي...زميلاتي
في هالصفحه راح اكتب لكم قصتي اللي مازلت اعاني منها
قصتي هذي مو دمرتني الادمرت حتى اهلي وناسي
قصتي مع الاشااعات

اتمنى كل من تدخل او يدخل هالصفحه يقراهـ للاخر
ويتمعن بكل حرف ويعيش كل كلمه لاني بنت من ديرتكم
عانيت ومازلت اعاني لانه يمكن بقرايتكم لقصتي تهونون علي او تساعدوني
مو لازم مساعده فعليه على الاقل لو بالدعاء لاني من جد محتاجه وقفتكم
ودعواتكم ...

بتكلم شوي عن نفسي

انا بنت من هالكليه المعروف عني اني شقيه <<شيطانيه بالعامي
صوتي عالي وعند البنات يسمون اللي مثل وضعي [..عربجيه..]
الناس القريبين مني يعرفوني ع حقيقتي واني اللسان وهباال ع غير سنع
اما الناس اللي مايعرفوني فيقيموني ع اني انسانه طويلة لسان ما احترم احد ما احد يقرب مني<<<خطر ممنوع الاقتراااب

ماراح اكون مكروهه من الجميع ولا محبوب من الجميع
لان مافيه انسان بالكون كل البشر متفقين عليه بالحب او الكرهه

بس سؤااالي هل الكرهه ياصل للاشاعات ..؟ويالليتها اشاعات عاديه
الا دخلت بالسمعه والعرض مقوله فيه ناس بهالقسوهـ ..؟

وماراح اقول قريت او سمعت انا عشت مع هالاشاعااات
وتالمت وتدمرت

_ الاشااعات المنتشره عني_بوي..تتزوج البنات..تعامل صديقاتها كانها الرجل
وحريموهه. شاذهـ ... (حسبي الله ونعم الوكيل)

من سببها..؟
وليش انا بالذاات؟؟
وليش الاداره واهلي ساكتين عني اذا هالاشاعه صدقيه..؟

معقوله كل من كان صارت
مهستره
صوتها عالي
تنكت
تضم صديقاتها<< وادري ان الكل يعقب عليها والحين في قانون بالكليه يمنعها بس انا تعودت عليه مع صحباتي برى عالم الكليه من كبرت وانا اضم صحباتي صديقاتي مقوله كل من ضمت صديقاتها صارت شاذه وحتى لو كنت اضم بالصبح لما اجي وبالظهر لما اودع مقعوله تاصل انه يقال عني شاذه
بوي اتزوج البنات والادهاا والامر مو بس اتزوج حتى اوزع بطاقات زواج وواصل الاداره؛؛<<طيب وين الاداره تعرفون وحده تسوي كذا شنو اقل شي يسوا فيهاا يالعاقلات يالمقفاات يانقلات الاشاعات ومصدره ... طرد من الكليه والهيئه تظفهاا وممكن تاصل للمحاكم.. ليش ماصار كل هذا فكرتو قبل تتهمون فكرتو قبل تتناقلون هالاشاعات اللي تمس الشرف والدين؟؟


الاداره ..
قبل لانعطل بشهر وكم اسبوع الظاهر اخذوني انا وشلتي
بسبب شله كانت متضايقه منا بسبب الصوت العالم والاشاعات
والضم .. بكل ذووق كلمتنا مساعدة العميد وناقشتنا وعطتنا حرية الرد
وعرفت كل شي وتفهمت الوضع واخذت منا وعد اننا نترك الصوت العالي
والتوديع بالضم او التصبيح بالضم لانه ممنوع من الكليه
ووعدناها بالتخفيف والتعديل ...بالله عليكم يابنات لو فيني جزء الربع من الاشاعات كانت مساعدة العميده تركتني اطلع من عندها وانا الابتسامه شاقه وجهي <<..؟ هالسؤال ابي ترد عليه كل من طلعت علي هالاشاعات
او انشرتها او بهرتها

اهلي+صيقاتي
عمرهم مانظروني حتى ولا نظرة تساؤل عن هالاشاعات لانهم واثقين فيني
لانهم لو مو واثقين او مصدقين كان انا في خبر كانا لانها مو سمعه لي وحدي
بتلحق حتى خواتي واخواني وصحباتي .. واللي تقول ان اهلي مالهم صيت او شخصيه.. << هالاشاعات تحرك الجدار مو عاد اللي ماعندهم شخصيه

بالاخير ودي اقول
انا ماجيت اكتب لكم عشان شي لا وربي
ابي دعواتكم ان هالهم والحزن والكدر يبعد عني
وابي ياصل صوتي لاكبر عدد ممكن ابي احد يحس بمعناتي
ابي اللي طلعوا عني او مصدقين علي يخافون ربهم لانه عرض وسمعه ودين
لانه ظلم والظلم ظلمات يوم القيامه لان من طق بابه بينطق عليه
وربي اللي تقولنه عني كذب وافترا وحرام
اذا عندكم نقد ع شي قولوه اذا في قلوبكم كرهه تصددو
مو كل من يكرهه احد جلس يطلع اشاعات ويقطع في جلده
لان في رب يحااسب وانا وكلت امري لربي
.. والله لايوفقني كان اغلطت او سويت جزء من هاللي تطلعونه عني ..
انا اخاف ربي واعرف ديني ومتربيه
حراام يبنات والله حرام اللي تسونه

اللي عندها شي تواجهني تسئلني تنتقدني
منو قالكم اني وحش او ما استحي راح اتصدد عنكم
وربي لا اسمع لكم بصدر رحب وارد ع تساؤلاتكم
اذا منتقديني عشان اضم عادي اقولو مو تسمعون الاشاعات تطلع وتتناقلونها واذا حسيتو انهاماتحمس جلستو تبهرون فيها كانها نكته مو دمار
لبنت ديرتكم ...

ابي كل وحده تخلي نفسها مكاني وقتها بتعرفون قد ايش انا متالمه ومتعذبه
تدرون وش اتمنى اتمنى يصير فيه سماعات كبار بكل الاقسام
واجلس ادافع عن نفسي بالمايك _ لاتضحكون_لانه العذاب اللي انا فيه
مدمر كل شي فيني حتى مكرهني بالكليه ومخلي نفسيتي مو حلوه مع صديقاتي والتفكير شلني والصداع مو مفارقني

بنات واللي يخليكم مو لازم تردون
بس الله يخليكم ادعو لي ان الله يفرج كربتي ويبعد عني هالاشاعات وبنات الاشاعات
تكفون اذا بقلوبكم شي يساعدني دلوني عليه

واتمنى كل وحده طلعت علي هالاشاعات او ساعدت فيها
تواجهني وتقولي انا احط اللي قلته عنس بذمتي
وقتها برفع يدي واقول حسبي الله ونعم الوكيل

بنات انا من الالم ماعدت اقدر اسامحهم:q29:
يارب اكفين شرهم وابعدهم عني ويارب اشوف فيهم يوم من شد عذاابه يعون على انفسهم بالموت


دعواتكم ياخواتي
الله ييسر امري ويفرج همي
ويارب وقف واستر ع كل من دعتلي او ماصدقت علي او اردعت الاشاعات عني

ياارب بنات الاشاعات يقرون نتيجة اعمالهم
ويارب ابعدهم عني انت اعلم بحالي


ادري ان اغلبكم عرفني لان الاشاعات منتشره عني وبقوه _حسبي الله عليهم_

اسفه ع الاطاله

اختكم :المتوكله ع ربه

[فديت شلتي]

8 اشخاص شاهدو موضوعي ومعاناتي
اتمنى انهم دعو لي

وودي اقول
اني مع كل اللي فيني راح استمر بدراستي
وبقوي نفسي عشان اهلي وصحباتي والناس اللي وقفو وياي ودعولي ووثقو فيني

[نبض الفؤاد]

فديت شلتي

هلا وغلا..................

بصراحه موضووعك خطيييير ويبي له وقت عشان ارد عليه..........

الله يفرج همك وييسر امرك ويسهل دربك.................

لي عوده................

[فديت شلتي]

نبض الفؤآد
هلابس زود يالغلآآ
فديتس خوذي راحتســ
آآآآآآآمين ياغلآآآهم الله يسمع منس

بإنتظار عودتســـ
موفقه حلوتي

[فديت شلتي]

كل يوم اخش واقرى موضوع
وايزود المي وحزني

وادعي ان الله يفرج كربتي
ويبعد عنا اهل الشر

آآآآآآآآآآآآهـ ياقلبي

[عزتي اجمل صفاتي]

ياعمري انتي الله يفرج كربتك ويبعدك عنك كل شر يارب وكل من فيه شر يارب ويكفيك شر وبلاوي هالناس الظالمه اللي ماصار عندهم الاالقيل والقال وهالاشاعات وتدمير حياة الناس بكل سهوله وعدم مراعاتهم لااحاسيسيهم ومشاعرهم وانهم بشر مثلهم يحسوون ويتالموون لاكن وش نقول عن ناس ماتت قلوبهم عن ناس تجردو من الاحاسيس والمشاعر لاكن خوذيها نصيحه مني وانا اختك اذا طعنت من الخلف فاعلم انك في المقدمه وانتي في المقدمه دووم يارب ولاتهتمين لمثل هالكلام لانك راح تسمعين منه كثير واذا سمعتي لها راح تكونين حققتي لهم اللي يبوون وهو تدميرك انتي واصلي حايتك ومصير كل من تكلم فيك بيوم راح ياخذ جزاه دنيا واخره ولو طال الزمان او قصر ياعمري واصلي دراستك وحياتك الطبيعيه وكوووني قووويه وتجاوزي كل هالعقباات والله يوفقك يارب ويسعدك دنيا واخره ويهديك لما يحبه ويرضاه ويكفيك شر الناس اللهم امين ...

اختك : عزوو :)

[كيان ذاق مرارة الفقد]

مرحبا...
اختي :فديت شلتي
الحمدلله امرك بسيط وهين ....
ولاتجعلين من توافه الأمور سبب لتعاستك
والحمدلله بما انك انسانه واثقه من نفسك
ومن نظرة أهلك وصديقاتك لك ليش قالبه حزن عزوتك وعارفين انهم ماقصروا فتربيتك وش تبغين اكثر
وسعي صدرك واذكري ربك واستغفريه وكل ماحسيت ان الضيقه اشتدت عليك قومي وصلي ركعتين واقرئي قرآن
والله يفرج همك وغمك ويبدل حزنك بالفرح قولي آمين
والله يستر علي وعليك وعلى بنات المسلمين

[فديت شلتي]

اختي : عزتي
تسلمين ياقلبي ع هالمشاعر والدعاء لي
وربي كلامس ريحني والله يكتب لس كل الخير والله يحقق لس امانيس ويسعدس
ويخليلس اهلس وناسس


اختي: كياان
تسلمين يالغلا الله يسعدس ويستر علينا وعليس
ويحقق لس امانيس
ابشري ان شاء الله



وجودكم بصفحتي واحساسكم فيني ودعائكم لي وربي يرمم لي جروحي
الله يخليكم ويسعدكم


ياااااااااااااااارب وفقني واستر علي وع كل من وقف وياي ودعالي

[عزتي اجمل صفاتي]

اختي : عزتي
تسلمين ياقلبي ع هالمشاعر والدعاء لي
وربي كلامس ريحني والله يكتب لس كل الخير والله يحقق لس امانيس ويسعدس
ويخليلس اهلس وناسس

ياااااااااااااااارب وفقني واستر علي وع كل من وقف وياي ودعالي

ياعمري ولو الناس للناس وانا حاسه فيك لاني مريت بنفس الشي الاشاعات بس بطريقه ثاانيه بس ماهتميت لشي وواصلت حياتي ووقفت في وجهه كل من تكلم عني واثبت لهم اني اشاعاتهم ماثرت فيني والدليل اني مواصله حياتي ودراستي انتي سووي مثلي ولاتهتمين لحد واذا احتجتي شي حنا خواات وماراح نقصر معك بس انتي طلعي نفسك من هالكائبه اللي عايشه فيها واستهدي بالله وكل ماتذكرتي هالشي استغفري والله راح يجلي يهمك باذن الله

يالله خلينا نشووف ضحكتك فديتك :)

[فديت شلتي]

^_^
وانا اقدر ما اضحك وانا اشوف وقفتس وياي حتى وانتي ماتعرفيني
الله يخليس لأهلس والله يدوم سعادتس والله يستر عليس ويبعد عنس كل من فيه شر
فديتس وفديت اخوتس اللي اتشرف فيهاا
ابشري والله يصبرني ويقويني واكون مثلس واتحمل واتابع

موفقه خيتو
^_^ <<< هذي ابتسامتي وعريضه حييييييييل

[اسيرة الوحده]

هلا وغلا ياقلبي....


صراااحه قريت موضووووعك وبجد تعجبت من هالنااس اللي ماعنده شغله غير انها تطلع اشاااعاات على

خلق الله..بجد ذولا نااس فااضيه ..

وحركاات الضم اشووفها عااديه يعني انا اضم صديقااتي مافيه شي...

بس هالاشكاال احقريهم واعتبريهم مومجودين بحيااتك.. واهلك واثقين فيك وهذا المهم

الله يهديهم بس ويكفيك شرهم ويحميك ويجنبك طريقهم يااارب..

ويبعد الحزن عنك والهمووم...

وكل عاااام وانت بسعااااده يالغلااا...

[ليان]

السلام عليكم:
أختي أشعر بألم الاشاعة والله يفرجها عليك.. عن جد شيء مؤلم ..
ولازم نتعلم من قصة الافك ومن قصة عائشة رضي الله عنها ونعرف عقوبة نشر الاشاعة من غير تأكد وتثبت ..

بس وعد مني ان شاء الله اذا بدت الدراسة ..انه لما أسمع مثل هالاشاعات من هالنوع واللي تمس الشرف اني ما أسكت و
أنكر على كل من يقولها لي بكل قوة و اذكرهم بتقوى الله عزوجل.. وكل من يقرأ هالموضوع لازم يسوي مثلي ..
حرام اللعب بسمعة البنات واللي ما نرضاها لأنفسنا ما نرضاه لغيرنا..

أختي ..جميل انك كتبت هالموضوع ..علشان اللي يتناشرون هالاشاعة يوقفون عند حدهم ..و الله يغفر للجميع

وأنا بجد متالمة علشانك وأقدر المحنة اللي أنتي فيها ..

ومن جهة ثانية : أختي حركات الضم ..حركات مستهجنة في مجتمعنا المحافظ وبالذات في المحيط الجامعي ومهما كان تعتبر مثيرة للشك والريبة حتى وان كانت ببراءة .. وأنا أنصحك وأنصح كل بنت تسوي كذا انها توقف ..لأنه يضعك في موقف شبهة في نظر من حولك من الناس اللي يجهلونك وما يعرفونك زين..و أتمنى أن تتقبلي وجهة نظري بصدر رحب .

فرج الله عنك أختي وأبعد عنك كل مكروه

[فديت شلتي]

أسيره الوحدهـ
تسلمين ع الطله يالغلا والتفاعل مع معاناتي
آآآمين الله يسمع منس
فديتس الله يسعد ايامس ويوفقس ويحقق امنيتس
وانتي بصحه وسعاده يالغلا ..
موفقه حلوتي







ليااان
فديت قلبس يالغلا
وفديت طلتس وماخطه لي احساسس
تسلمين ويالليت والله الكل يحارب مثل هالاشاعات وانتشاار هالتدمير لانه ظلم والظلمات يوم القيامه

وملاحظتس ونصحس ع العين والراس وقلتها وبقولهاا راح اسمع لنصايحكم وكلامكم وانتقادكم لانه هذا اسلوب بناء مو هدم ... ومشكوره ياقلبي

آآآمين والله يسمع منس ويحقق امانيس ويستر عليس

[loleta]

بصراااحه القيل والقاااال ماله داااعي والحش والغيبه من ورى الناااس ماله اي لزمه ..

والناااس مالهم الا الظاهر .. وما يملى عينهم الا التراب ..

يعني هالحركات اللي يسوونها والاشاعات والخرابيط لا تخلينها توقفك .. انتي ما سويتي شي غلط

انا مااعرفك بصراحه بس كل شي قلتيه مااشووف فيه شي يحسسني انك مو متربيه والا فيك شي ..

وحده تضم صاحبتها فيها شي؟؟؟؟؟؟؟؟؟؟؟؟؟؟ تراها بنت مو ولد يا نااس والله ان عقوولكم متحجره

ليش انتم محد يضمكم هالدرجه شايفينه عيب وقلة ادب ؟؟؟ وفيها شي لما البنت تتكلم بصووتها ؟

ليش كلامها كله مخل بالاداب والا شنوو ؟؟ صوتها عالي من الله.. يعني غصب تحطونها عربجيه وبويه ؟

نصيحه لك مني ..

الناس يدورون اي شي يتكلمون فيه .. فـ حاولي تتجنبين هالاشياء قدام هالعقوول ..

[لماذا .. !!]

السلام عليكم ..

وكل عآم وانتم بخير ..

تحيه خآصه لـ فديت شلتي ..

الله يفرج همك وهموم المسلمين يآرب ويكفينا شر الأشرار ..

ولايهمك حبيبتي هالأشكال ( الحقرآن يقطع المصرآن ) :q21:

وتأكدي أنه كل هاللي يصير لك خير لك لأن رب العالمين مايقدر شي إلا وفيه خير للإنسان ،،
وأن المواقف الصعبه هي اللي تصنع الإنسان *_^ فلا تتضايقي ابدا
توكلي على رب العآلمين وادعيه لأنه سبحانه قد يصيب الإنسان ببعض المصائب ليعود إليه ليدعووه ..

و يآليت تبعدين عن الأشياء اللي ممكن تسبب لك بعض المضايقات لانه فيه نآس ماعندهم شغله غير خلق الله

وبالنسبه للناس اللي ماتقرب منك يمكن مو كلهم مايقربون منك عشان سمعوا عنك الإشاعه ،،
يمكن خجولين ومايحبون يتعرفون أو طبيعتهم غير عن طبيعتك وماصارت لكم علآقه مع بعض .. ^_^:q46:

لكـِ ولكل مهمومـ ..

اللهمـ اجعل لي من كل همـ فرجاً ،، ومن كل ضيق مخرجاً ،، وارزقني من حيث لا أحتسب ..

[فديت شلتي]

لوليتا
تسلمين غلاتي ع الطله
والتفاعل مع موضوعي
الله يصبرني واناا اختس ع هالاشاعات
وابشري كلامس ع العين والرااس
موفقه والله يبعد عنس الشر والشريين
والله يستر عليس ويحقق امانيس
مشكووووره



لماذا
تسلمين ياغناتي ع الكلام والطله الحلوه
والله يعين يالغلا
وزي ماقلتي راح اسوي اي نصيحه تجيني منكم
وكتبت موضوعي عشان الكل يقراه ويدعي لي ويحس باللي اعاني فيه
ولعل سطوري وسطوركم تاصل لهم ويخافون ربهم فيني ويبعدون عني وعن غيري

الله يسمع منس
امين يارب العالمين






خواتي تسلموون وربي كلامكم يشجعني ويهون علي
الله يوفقكم ويصبركم ويستر عليكم
مشكووووووووووورااات

[هكذا أبقى ..!!]

.


.



.


.


وعليكم السلام ورحمة الله وبركاته ~

حياكِ الله أخيتي الفاضله ../ فديت شلتي ..

بداية ../

أهنئك بداية على صراحتك ، وثقتك بنفسك ..

ثانيا .. أخيتي - حماك الله - ../
سأضع لكِ ما أريد إيصاله لك على نقاط ..
1- هناك إحتمالات مؤلمه وصعبه
من الممكن حدوثها في حياتنا ..
لا تنصدمي ..
بل تمالكي نفسكِ ..
..{ ولا تسقطي إلا واقفة على قدميكِ ~
فهذه هي الحياة ...

2- " وَأَعْرِضْ عَنِ الْجَاهِلِينَ "
أجعليها مبدأ مهما في حياتك ..
و أعلمي بها دوما ..

3- تحياتي وشكري الكبير لـ أهلكِ ورفيقاتك ،
حيث أنهم لم يصدقوا ما لم يشاهدوا ..
وهذه خصلة نادرة الوجود ..


4- إذا كان في حياتكِ نموذج قبيح للبشر ..
دعيه ..وابتعدي عنه
حاولي هجر أوكار القبح وأبحثي عن الجمال ..
فمجرد التفكير فيما تكرهين يسجل لكِ أعلى معدل للخسارة ..
وأنتِ أكبر من هؤلاء الصغار ..
وقلبكِ الكبير أكبر وأكبر ..
وربكِ سينصركِ ويحميكِ
فقط ثقي بالله تعالى ..

5- دائماً أردد وأسمع " لا يضر السحاب نبح الكلاب "
عزيزتي فديت شلتي ..
أنتِ أرقى ممن أن تنزلي نفسكِ إليهم ..
وهم أحقر من أن يكونوا في إهتمامكِ ..

6-أستاذتي .. قلتِ ../
بنات انا من الالم ماعدت اقدر اسامحهم
أُقدر لك مدى الآلم الذي يحتويكِ ..
واعرف شُعوركِ جيداً ..
ومع ذلك ../
لا بل ستسامحيهم - إن شاء الله - ..
ولتدركي - أثابكِ الله - أنهم بمجرد أنك تنفعلي مع تصرفاتهم سيزيدون منها ..
فـ لا توليهم إهتمامك .. ولا تلتفتي إليهم ..
أنتِ أرقى من ذلك ..
وأعملي بـ قول رب البشر " وَأَعْرِضْ عَنِ الْجَاهِلِينَ "
بل وإن أضطريتي للتعامل معهم فعامليهم بالحسنى .
لـ يخجلوا من أنهم أساءوا إليك ..
ويعلموا بـأنكِ لن تنزلي عقليتك إلى مستوى عقلياتهم ..

7- ذَكرتِ ../
مكرهني بالكليه ومخلي نفسيتي مو حلوه مع صديقاتي والتفكير شلني والصداع مو مفارقني
لم هذا التحطم ..؟
أنتِ لم تفعلي شيئاً خاطئاً ..
أناس كـ هؤلاء ..
لا يستحقوا إلتفاته منك عزيزتي ..
وهل هم يستحقوا أن تضري بنفسك من أجلهم - بنظركِ - ..؟
ومن وجهة نظري أنهم لا يستحقون مع أني والله لا أعرفك ..
ولا حتى أعرف أجواء الكلية ..
لاني طالبة مستجدة السنة الدراسية القادمة في أولى - بإذن الله - ..

8- عزيزتي /

إليك هذه الآيات القرآنيه .. أبلغ من أن أتكلم ..

( فَمَنْ عَفَا وَأَصْلَحَ فَأَجْرُهُ عَلَى اللَّهِ )

( وَلْيَعْفُوا وَلْيَصْفَحُوا أَلا تُحِبُّونَ أَنْ يَغْفِرَ اللَّهُ لَكُمْ وَاللَّهُ غَفُورٌ رَحِيمٌ)

..

غاليتي /
كفار قريش .. ألم يؤذوا الرسول صلى الله عليه وسلم ..؟
وهو رسول الله ..! تخيلتي عظم ذنبهم ..؟!
فـ ما كان موقف الرسول صلى الله عليه وسلم ..؟!
ألم يقل لهم إذهبوا فـ أنتم الطلقآء ..
،
عفى عنهم صلى الله عليه وسلم ..
مع أنه كأن بـ إمكانه قتلهم .. صلبهم ..محاربتهم .. أسرهم .. الخ ..
لكنه إختار العفو ..

أعتذر إليكِ أستاذتي ع الإطاله ..
وأعتذر إليكِ مرة أخرى على الأسلوب ..

وأختم بـ ( لا تسقطي إلا واقفة على قدميكِ )
مع تقديري لمشاعركِ ..
لكن حاولي التغلب عليها ..


،

رددي ../
" اللهم إني عبدك ابن عبدك ابن أمتك ناصيتي بيدك،ماضِ في حكمك ، عدل في قضاؤك ،أسألك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري ،وجلاء حزني وذهاب همي "

و رددي ../
" اللهم إني أعوذ بك من الهم والخزن ، والعجز والكسل والبخل والجبن ، وضلع الدين وغلبة الرجال "

" اللهم رحمتك أرجو فلا تكلني إلى نفسي طرفة عين ِ وأصلح لي شأني كله لا إله إلا أنت "

مرجعي من الأدعية كتاب حصن المسلم ~
.


.


وفقكِ الله وسدد على طريق الحق خطاكِ ..

.

[دررررره]

بصرآآآآآحه حزنتني سالفتك مع هالاشآعات ,,
الله يبعدك عمك الهم ويفرجه لك
وماعندي شي اقوووله غيـــــــــر
كلآم الناس مايقدم ولآيأخر دامك وااااثقه من نفسك ومن اقرب الناس لك (أهلك وصاحباتك)
وكل من يتكلم عنك غيووور وحاسد خليك مثل ماانتي عليه وطنشششششي
أذن من طين وأذن من عجين ,,
وراح ادعي لك من قلبي
ووسعي صدررررك واتركي عنك التفكير ,,
لان اللي يطلعون عنك الاشاعات يبونك تفكرين وودهم يعذبونك طنشي احسن لك
الخسران يقطع المصران

[فديت شلتي]

هكذاآ أبقى
تسلمين يالغلا سطورس بكتني
الله يجزاس الخير ويوفقس ويسدد خطاس
والله يحميس ويبعد عنس كل مكروه
يافديت قلبس من جد سطور تريح القلب
الله يسعدس ويحقق امانيس
ومشكوره ع الطله



درررهـ
سلامتس يالغلا من الحزن
الله يبعد عنس الحزن والكدر
والله يوفقس ويسعدس ويحقق امانيس
تسلمين يالغلا ع الطله
موفق


خواتي تسلم ع طلتكم وتفاعلكم
ودعائكم لي
موفقااات

[الجنان غايتي]

السلام عليكم ورحمه الله وبركاته .....اختي الفاضله لايوجد نار بلا دخان ...قد تكون تصرفاتك البريئه تثير شكوك النفوس السيئه التي لاترى الا اللون الأسود
في هذه الحياه فلا تعرف حسن الظن ابدا ........
انا اشارك الأخت ليان فيما قالت فلن أعيد ما قالته ...........
حاولي ان تكوني متواضعه قدر المستطاع ....وتحسنين التعامل مع الآخرين
اياكي والتكبر والغرور والتعالي على الغير او التعامل مع الناس على حسب الأسماء فهذا يولد كراهيه وحقد ممايؤدي الى ظهور الشائعات عنك ..ثانيا لاتنسي الغيره لأنها اشد مايثير الفتيات منك ..ثالثا الدعاء ان يبعد الله عنك الهم والحزن وشرار الخلق ويهديك لطاعته ويبعد عنك الشائعات ...

ذكرتيني بأيام الكليه لاتضيقين صدرك وعشي حياتك ( وإذ جاءت المذمه من ناقص فهو الشهاده انني كامل ))والكمال لله سبحانه وكلنا خطاء ...بس افرحي واستانسي ترى ايام الكليه ماراح ترجع ....::q16::q61:

[فديت شلتي]

الجنان

وعليكم السلام ورحمة الله وبركاته
كلامس سليم وع العين والراس يالغلا
بس لو انا فيني شي غريب او اسوي شي ما احد يسويه او مكروه عند الاغلبيه كان وربي ما حزنت وقلت( قلعتي) حقي وماجاني .. بس يشهد ربي علي اني ما اختلف عن الاغلبيه واللي كتبته هو كل اللي اسويه ومع كذااا ابشري يالغلا راح اخذ كلامس بعين الاعتبااار خاصه وانس متعنيه وداخله موضوع ومتفاعله مع معناتي...

لبى قلبس انتي واختي ليااان الله يحفظكم ويسعدكم

التواضع: يمكن اللي مايعرفوني يحسون بشي من الغرور لان بطبيعتي عفويه ومزوح ومع كذااا راح ابحث عن الطيب وحسن التعاامل اكثر واكثر حتى اللي مايعرفوني راح يكتشفوني



اياكي والتكبر والغرور والتعالي على الغير او التعامل مع الناس على حسب الأسماء فهذا يولد كراهيه وحقد ممايؤدي الى ظهور الشائعات عنك <<< ابشري ياغلاهم



ثانيا لاتنسي الغيره لأنها اشد مايثير الفتيات منك <<< مافهمت ؟



ثالثا الدعاء ان يبعد الله عنك الهم والحزن وشرار الخلق ويهديك لطاعته ويبعد عنك الشائعات ...
<< ابشري ولا تنسيني من دعائس يالغلا



الله يدوم افراحس وابشري وتسلمين يالغلا ع طلتس
ونصائحس ع راسي من فوق

[دخون]

حسبي الله ونعم الوكيل خليها بلسانك اختي ولاتتحطمين
ونصيحه مني خاصتا احنا بكليتنا المحترمه اتقي الشبهات
يالشيخه نروح ورا لسم العربي يطلعون علينا مية واربع واربعين الف اشاعه
وعيونهم بالسمالله الرحمن الرحيم تاكلك ودك بما اسييد تبخ بخينهم
فعشان كذا هوبلي بعيد عن نطاق بنااات ........................ لان كلن يرى الناس بعين طبعه
وتاكدي ان كل اللي كذا هم اللي من تحت التحت وهم اللي فيهم البلااااااااااااااااا
فنصيحه ابعدي عن الشبهات **************
واخيرا ترى الدنيااااااااااااااااااا فانتاااااااااااااااااااااااااااااااااااااااااا خخخخخخخخخخخخخخخخخخخخخ
تقبلاتي لموضوعك

[emoo girl]

دخون
تسلمين يالغلا ع طلتس بموضوعي
وتفاعلس مع معناتي
الله يوفقس ويستر عليس ويحميس ويحقق امانيس

حسبي الله ونعم الوكيل
سبحااانه
ابشري يالغلا

هههههههههههههههـ
جد ضحكتين الله يدوم ضحكتس

مشكوره حلوتي



<<< رديت بمعرف اختي

اختس :فديت شلتي

[فديت شلتي]

دخون
تسلمين يالغلا ع طلتس بموضوعي
وتفاعلس مع معناتي
الله يوفقس ويستر عليس ويحميس ويحقق امانيس

حسبي الله ونعم الوكيل
سبحااانه
ابشري يالغلا

هههههههههههههههـ
جد ضحكتين الله يدوم ضحكتس

مشكوره حلوتي

[FLAKE]

مرحبآآآ اختي حبيتك من كلامك الله يبعد عنك الشر^^

شوفي يااابعدي بالنسبه للي مايقتربون منك الشخصيه الهاديه مثلا و الشخصيه المقابله اذا كانت مهستره مره مارح يكون فيه اكيد تقارب للأختلاف الشخصيات:q28: انا عندك مثال
شخصيتي هاديه مع الناس بشكل عام واكون فرفوشه بس مع ناس معينين ويرتاح لهم قلبي بس يعني الهستره والوناسه..الخ مااكون مع اي احد واغلب الي يعرفون كازميلات او صديقات غير مقربات يعرفونن اني هاديه مايعرفون الجانب الاخر لان مثل ماقلت لك الجانب الاخر له ناسه :q62:
ومع ذلك مو بس الضحك العالي والضم يجيب الاشاعااات حتى الشخص الهادي ولي موو راعي كلام كثير ولا ضم..الخ تجيه اشاعاااات مووو طبيعيه
وعندي خير من هالاشاعات:q24: بس ما علي منهم كلن يرى الناس بعين طبعه وكوني واثقه من نفسك وتعاملي مع الناس على حسب شخصياتهم وبقولك شي:q47:
بالنسبه للضم هووو اكيد عادي وبلعكس يزيد المحبه بين الصديقات بس فيه ضم يكون شديد شووي تحسين كأن الوحده بتفخس من شدة الضمه :q71:هههههههههههههه وهذا هو الغير مرغوب بين الناس فضم الي يكون عادي مو كل اليوم لان ترا الضم له وقت (سمعت هالكلام من فتره بس مادري مين الي قالها)يعني من بعد اجازه او توديع..الخ) والمصافحه هي الي تكون يوميه وفي الدخله والطلعه وفيه اجر ان شاء الله
وربي يوفقك ويسير دربك ياعسوووولهـ:q70:

[فديت شلتي]

flakeتسلمين ياغلاهم ولي شرف محبتس
وحبس ربي
كلامس ع العين والراس
وما عليه غبااار
الله يسعدس ويحقق امانيس
ويوفقس ويبعد عنس الشر وكل من فيه شر

مشكوره ع تفاعلس مع معناتي
دعواتس لي


اللهم يامقلب القلوب ثبتي قلبي على دينك

[غايتي رضااك]

فديت شلتي..


انتي الحين قلتي كل اللي بقلبكـ ...,,

ابدي سنه جديدهـ ..ولاتهتمين لكلام احد

سمحتي لهم يتكلموون لما قالوا بس..,

والحين وقفي بوجه اللي يتكلم عنكـ

ولك مني اصحح كلام ا وحده تتكلم عنكـ ..,


تقربي لربك واحتسبي الاجر بكل شي يمر عليكـ’,.
الله يوفقك ويستر عليك ياارب..,, :q56:

[فديت شلتي]

غايتي
سطورس ع العين والرااس
ابشري يالغلا
والله يخليس يالغلا وتسلمين مقدما
من عنوني .. سبحانه
امين وياااس
الله يسعدس ويبعد عنس كل من فيه شر
ويحقق امانيس ويوفقس






اللهم يامقلب القلوب ثبت قلبي على دينك

[ام شوشه]

القآفله تسير والكلاب تنبح

وكلامهم لامودي ولا جآيب , انبسطي بس وادرسي وفليه واذا مريت من عند احد وقال لك شي بأقرب جدار
واللي يتكلم من ورآك من صغر عقله وقل مقدآره ,
وشوفي حطي قدام عينك الغيره تراه بلا بناتنا ,

[فديت شلتي]

ام شوشه

ياقلبي تسلمين ع تفاعلس مع معاناتي
كلامس ع راسي
بس الخسرااان مو قادره عليه
تعبت من النظرااات
ليت احد يجي ويقلو لي بوجهي ع الاقل يكون لي فرصه ادافع عن نفسي
عموما دعواتس لي
الله يوفقس ويستر عليس ويحقق امانيس

[ملكه في قلب صديقتي]

*فديت شلتي**

فديتك انتي وشلتك ياعمري طنش تعش تنتعش ومن يسمع لكلام الناس(((( يتــــــــــــــــــــــــــــــــــعب))

طنشي النظرات " تجاهليهم>>>>>عطيهم ركبه خخخخخ:q25:
بس لا تظيقين صدرك لانهم يناضرونك من هنا واذا رجعو لبيوتهم وطقوها نوووووومه وانتي اللي تنقهرين وتتعذبين (( ماجابته امه اللي يعكر عليك:q70:)) انا والله ما اعرفك بس وربي انقهرت وحسيت فيك كثييييير:q16:

وكلن يشوف الناس بعين طبعه يعني اللي مطلع ها الاشاعات سبق وجرب وسوا وفعل سوا با الكليه او خارجها وياكثر النماذج اللي تستحق الاحترام واتوقع انتي اولهم بدليل صراحتك مع نفسك ومعنا:q34:
ومو كل شخص يضحك ويعلي الصوت فيه بلاوي الدنيا

يا كثر اللي اصواتهم عاليه ومشاغبين بس بوقت الجد جد وبلسم للجرووووح وقلوبهم نظيفه واعتبرك اولهم با الغلا


اتمنى اني طلعت لو شوي من اللي انتي فيه واضحكي تضحك لك الدنيا وبدأي عامك هذا بكل رااااااااااحه ولا تهتمين اهم شي شلتك فديتك:q34::q34:

[فديت شلتي]

_ ملوكه
فداس الكون كلوه وانا ويااهم
لبى قلبس
كلامس ع راسي يالغلا
وان شاء الله بكون عند حسن ظنس وظن كل الصبايا اللي تفاعلو ودعولي
ونصحوني
يمكن ما اكون قادره بالبدايه بس بجمد قلبي<< اشك
فديتس سطورس من ذهب
خففتي ياغلاهم ..وسلامتس من القهر
صادقه اهم شي اهلي وصديقااتي والنااس اللي يهمه امري من شان هيك انا متالمه من هالاشاعات لانهاا
تجرح اهلي وشلتي وتغثهم وتحرجهم
يالله الله يعين
تسلمين ياقلبي ومشكوره ع تفاعلس
الله يوفقس ويرزقس ويسعدس



اللهم يامقلب القلوب ثبت قلبي ع دينك

[أنثى القمر]

الله يكون في عونك ياقلبي:q70:

ومثل ماقالو لك طنشي

وحنا واااثقين فيك

عشره:q34:

[فديت شلتي]

_ آنثى القمر

لبى قلبس وعون الجميع يالغلآآ
ان شاء الله يالغلا
الله يعين ياقلبووو
فديتكم وربي ثقتكم ع راسي من فوق
لي شرف عشرتكم وربي

الله يسعد قلبس
ويوفقس ويحقق امانيس


اللهم يامقلب القلوب ثبت قلبي ع دينك

[مبتغاي الجنة]

اختكم :المتوكله ع ربه ,,,,
أولا: غاليتي الله يفرج همك وييسر أمرك ويوفقك في الدنيا والأخرة ويحفظك ويرب ترفعين رأس أهلك وذلك بأخلاقك العالية وبصلاحك ...
ثانيا:لاتزعلين مني الشيء اذا زاد عن حده انقلب ضده فضمك لصديقاتك اذا ماني غلطانه قلتي اذا جيت الصبح وفي الطلعه أضمهم طيب سؤال وش الداعي لهذا ودام فيه انتقاد لك أتركيه وغيري هالعادة
رابعا :مشكلة الصوت العالي غيريها برضه حاولي انك ماتعلين صوتك وهذا أظنا ممنوعين عنه
خامسا:خليك في أخلاق المراة المسلمه وان شاء الله انتي كذلك في تعاملك ...الخ
باعتقادي اذا طبقتيهن ماراح يتكلمون عنك وبعدين اذا انتي فعلا يتكلم عليك يعني غيبه ...فهم سيعطونك حسناتهم ...يعني انتي الربحانه....الله يصلحك ويبارك فيك والله اني أعتبرتك زي أختي ولو أنك أختي لقلت لك نفس الكلام فاعذريني ان غلطت:q69:

وبعدين يجب احسان الظن دائما هذي الكلمة للجميع .........ربي أغفر لي ولوالداي ولجميع المؤمنين والمؤمنات أمين

[فديت شلتي]

_ مبتغاي الجنه
تسلمين يالغلا ع الطله والتفاعل مع معنااتي
وجزاس ربي كل خير
امين الله يسمع منس وويااس يالغلآ


ابشري وكلامس ع العين والراس وهذاا اللي احااول اسويه الحين
وبالنسبه لصوت بحاااول من عنوني ولا يهمس
فديتس لي شرف اخوتس

شاكره لس طلتس ودعائس لي



اللهم يامقلب القلوب ثبت قلبي ع دينك

[توت الأقتصاد]

علينا دائمًا أن نصنَعَ شخصًا آخرَ فينا أقوى منا ,

وأعقلَ منا , وأقدَرَ منا على قراءةِ المواقف ..

علينا أن نعتَبِر أن فينا شخصين
=========================

فديت شلتي


أتمنى منكِ أخيتي قبول تدخلي بموضوعكِ لأني أعلم بأنك لم تطرحي موضوعك هنا
إلا لحاجتك الماسة لمراءة تعكس الصورة الحقيقية للموقف !!
لأخوتي لك ..أحسسة بحاجتك لي في هذه الأوقات ..لا اعلم ماهو شعورك وأنتي تقرئين سطوري !!
لكن وربي شاهد على ماأقول بأني أحسست بتغيرك قبل قراءتي لموضوعك ..
== أعرفك شخصياً .. أعرف (شلتكِ) .. وقسمنا واحد ..
=======================================
فديت شلتي

أختي العزيزة..
أعتبريني أختك وأستمعي لي على هاذا الأساس ..
أختك اللتي تحترمك .. أختك اللتي تخاف عليك..
أختك اللتي لن تدس لك السم في العسل ..
...أخيتي أقولها لك .. وبكل سراحة .. أنا واحدة ممن انتقد تصرفاتك ولم اكن استسيغه أبداَ
كنت أسمع ماكان يشاع عنك ولم أبدي تعجباً لأني كنت أرى ماكانوا يرونه منك ..
لأكون صادقة معك كنت أشكك بمن كانت معك بأنها مجرد صديقة !!!!
قولي لي أي شيء الا ان تكون صديقة.. لن أكذب عليك ولن أجاملك ..
سأكون معك ..ولنقل بأني مخطئة في نضرتي لك وحكمي عليكم بستثناء الجميع...
لنسلم بأن تلك التصرفات اللتي تصدر منك !! ومن صديقاتك كان طبيعية
وماكنتم تعيشونه من أجواء طبيعية لأبعد الحدود .. لكن من كان خارج هاذا الجو ومن ضمنهم أنا
كنت أعتبر هاذه التصرفات مبالغاً فيها وقد تجاوزت حدود الصداقة بكثير !!
أخيتي الغالية..
أعذريني على سراحتي لكن الحق يجب أن يضهر لك ..قراءت سطور الجميع وأحسست أنهم لم يروى بأم أعيونهم
وقد أختفت الحقيقة بين كلماتهم وحروفيهم !! لذلك أثرت التحدث عن الصمت..
قد تكون مشيئة اللة أرادت أن أدخل الموضوع بصدفة لأرى الموضوع..لاأخفيك بأني أثرت الصمت
والأكتفاء بالقراءة ومعرفة ردود الأفعال.. فقط
لكن أحسست بأن معرفة الحقيقة سوف تحل الكثير من المسائل..وأول خطوات التغيير هي الأعتراف بالخطاء
الجميع يخطاء ولكن ليس الجميع لديهم القدرة على تحويل أخطائهم الى نقطة بداية جديدة ...
عزيزتي ..
نقطة البداية والتغيير والتحول تبداء من أعترافك من الداخل بأن مابدرا منك كان خاطئاً
وأنك انتي من سمح بنشر هاذه الأشاعات.. وسمحتي لنفسك بتمادي أكثر وأكثر بحدود الامعقول بتلك التصرفات!!
.. أعلم بأن الجميع يتسائل الأن من أنا لكي أتحدث عن حدود المعقول ولا معقول!! ومن أنا لكي أحكم
على تصرفاتك وأحكم بأنها غير مقبوله للجميع ...وقد تقولون بأن كلامي مجرد رأي شخصي بحت!!
..هاذا الكلام موجه للجميع ولاأحصره لأشخاص معينين ..
لايجوز شرعاً لفتاتين أحتضان بعضيهم مهما كانت نوايهما
ويعتبر باب من أبواب الشذوذ والشيطان يجري من ابن أدم مجرى الدم ويفضي الأبتعاد عن ماهو مشبوه ..
وقد أفتى بها عدد من المشائخ الفضلاء..
================================================== ========
فديت شلتي
مددت يدي لأنتشلكِ من التشتت .. وأمسح عنك ضباب الفكر.. وأجيب عن تساؤلتك الحائرة ..
أخوتنا تخبرني عن حاجتك للكلمة الصادقة .. ولو أنني لم أتحدث لتحدث غيري ..
ولكن مافائدة هاذه الكلامات لو أتت متأخرة ..لن تكون سوى ثرثرة عابرة ..
====================================
كوني على طبيعتك .. كوني كما أردتي أن تكوني.. وكوني أفضل بكثير..

و لاتحاولي الأبحار عكس التيار ..لأن النهاية ستكون مؤلمة..
مجاديف أمل محطمة ..وجسدٌ منهار..
==============================

:q70::q70: هل "حـــاول" أحدكم وهو عائد إلى نفسه..
بعد أن شيّع جثمان حلم من أحلامه الجميــلة..
أن يمسح دمـــوع قلبه..
ويقبل رأســه في المرآة..
ويقدم لنفسه وردة حمـــراء..
ويردد بينه وبين نفسه:"اللهم أجرنــي في مصيبتـــي واخلفني خيراً منها"؟

[فديت شلتي]

اللهم أجرنــي في مصيبتـــي واخلفني خيراً منها"؟

امين توت الاقتصااد

_ كلامس ع العين والراس غلاتي .. صدقين انا ماكنت اتصنع تصرفااتي
كانت طبعيه بالمره يمكن بالاونه الاخير كنت حيل قريبه من صديقتي واللي انتي ركزتي حليها بكلامس
بس والله لانهاا بتتخرج وعلاقتي فيها بحدود الكليه والجوااال فقط وخااصه انها كانت تمر بظروف اقوى منهاا فكنت اعتبر نفسي لها الاخت والصديقه والام<< مع اني اخسي ما اصل ماطى رجلهاا ... بس وربي لا اكثر ولا اقل
وبتقولين لاتبررين بس دامس قريبه منا وتعرفين شلتنا اكيد تعرفين ان كل اللي كتبته صاير
وانا اعرف المصدر الرئيسي للاشاعات وماوقفت يالغلا ع الضم الا قالو اني اتزوج البنات واني ولد و و و ...
صدقين لو ع الضم الكل يضم وباشكال وانوااع مختلفه وباماكن مخفيه وبتدسس
انا قدام الخلق لاني وربي ما قصدي شي وربي يشهد علي اني كنت اتعامل معهاا ع اساس التخفيف لا اكثر ولا اقل

وانا ما اقولس اني صح انا غلط بنظر الجميع بس انا ماكنت ولا راح اكون من البنات اللي بيعن الدين والشرف والسمعه عشان علاقه عابره لان حب البنات مو حب الا وهم وعلاقه مو مباركه

انا ما احب اتصنع ولا احب اني اكون بعيده عن جو صديقاتي واجي واجلس واتقهوى وافطر واخش محاضراتي وبس انا احب اكون وياهم بكل شي بحزنهم بفرحهم
يمكن طريقتي باحتواهم غير بس يشهد ربي علي اني بحسن نيه


وربي سطورس اسعدتني لاني احب الصراحه .. بس تمنيت انس ما اسكتي عن اي شخص تلكم عن سمعتي او شرفي او ديني لاني بنت ديرتس وماكو اي شي يدل ع هالشي
اذا الخم_الضم_ واني اسدح ع رجل اي وحده او كتفهااا غير مرغوب .. فا انا اتقبل النقد بس ماتاصل لدين والشرف والسمعه



صدقيني مو متفشله او زعلانه من صراحتس لانس وحده من مليون في الكليه اذا قلتي اللي بخاطرس وانا قلت اللي بخاطري باصل لنتيجه وهو تسكير افامي البنات اللي مايخافن الله


انتي قلتيهاا انا تغيرت .. بالاصح ماعاد فيه البنت بالكليه ومواساتي لهااا صارت بالجوااال الحين ..


انتي فلانه او فلانه او فلانه تنتقد تصرف مني بليز قوليه لي بورقه بالمنتدى وجه لوجه
قسم بتقبل بالعكس افرح لما اشوف احد يعتم ويعقب علي


بس انا اكرهه اللي يتكلم من وراي ويالليت صح الكلام الا نصب وافترا


راح استمر بالتغير مع اني خايفه افقد شخصيتي الحقيقيه وصديقاتي بتكتم وصمتي
بس يوم بصير كذا ويوم بفلهاا بالضحك والفله؛؛؛<< اتمنى ما احد يفهمني غلط اقصد بانبسط مع شلتي واهستر ...




فديت قلبس تسلمين ع االطله والصراحه اللي اسعدت قلبي

الله يوفقس ويصلحس ويسعدس ويحقق امانيس ويعد عنس الشر والشريين


طلب اخير منس غاليتي
بليز اذا سمعتي احد تكلم عن موضوع قدامس وصليه لهالرابط او وصليلوه كلامي

واني وربي ما اسامح اي ادح يكتلم علي بالزور من وراي


موفقه


اللهم يامقلب القلوب ثبت قلبي على دينك

[توت الأقتصاد]

اهلين وسهلين
هلا وغلا .... بفديت شلتي
عزيزتي شاكرة تقبلك لوقع كلماتي ...وأرفع قبعتي لك بكل أحترام .
حقيقتاً أنا اعلم بأن صديقتك مقربة لك وأنها محتاجة لك لكن..
كان من الأفضل تعويضها بطرق أخرى أفضل لها ولك...
لكن شاء اللة لكما هاذا الدرس !!
عليك أن تتعلمي من هاذا الموقف الكثير من الأشياء
لأنك لم تمري بهذه التجربة عبثاً..
كوني أقوى من ذي قبل... كوني أكثر حكمة ...وأردعي كل من حاول مجرد محاولة من هز صورتك أمام ناضركِ وأمام أختك (ميمي!!)..وأهلك..وصديقاتك..
ألم يخبرك أحد بأن أجرك قد تضاعف وحسناتك بزدياد !!
صبرك على ماحصل وأحتساب الأجر...كلام البنات عنك لك منه أجر...وستأخذين بحقك من كل من قذفتك وشككت بعفتك وشرفك يوم العرض الأكبر...

عزيزتي...
عندما سمعت صديقاتي يتحدثنا عنك وعن شلتك حاولت فهم الموضوع وتناقشنا كثيراً حول موضوعك لأنا علماً أن مثل موضوعك لا يستهان به أتعلمين ماذا يعني أن يتم التشكيك بشرفك ..أتعرفين معنى أن يتم التحدث بعرضك... وبأنك أنسانة شاذه و..و... وغيره الكثير !!!
حاولنا أنا وصديقاتي تخيل الموقف لو كان واحدة منا هي المقصودة بتلك الشائعات وماهو ردنا حيال هاذا الموقف!!!!!!!!
لم تكن الأجابة سوا علامة تعجب تلوح فوق رؤؤسنا!!!!
موضوع أكبر بكثير منك ومني وحتى من صديقاتي أو بنات الكلية كلهم
... عزيزتي ..
أنتي عايشة بوسط مجتمع مايرحم أبداً وماعندهم ألا الظاهر !!

...علشان كذا قررت أنا وصديقاتي أنا نرد عليك برأينا كشله كامله !!
و عطوني الصلاحية الكاملة لرد عنهم وهاأنا أبلغكي برئينا مع التحية!!

كل ماأطلبه منك ..الأن هو الأستمرار على التغيير اللذي أحدثتيه بنفسك..
أحسست بتغييرك وقد كان رائع وسريع أيضاً أستمري على حالك .. وكوني واثقة من نفسك.. ومن تربية أهلك..وعند حسن ضن شلتك..
...................أريقاتوا قوسايمس........
ا

[فديت شلتي]

_ توت الاقتصااد
تسلمين يالغلا وتسلم شلتس
وكلامس ع راسي من فوق
وصادقه الدنيا تجارب والشاطر اللي يتعلم من تجربته
يمكن انا انسانه دوم اخرب ع نفسي بالعفويه الزايده وعدم الالتفاات لمن حولي لاني اعيش لنفسي وشلتي بس
وهالشي هو ممكن اللي اعماني عن رائي الناس لي وطريقتي الخاطئه باحتواى صديقاتي

الله يسعد قلبس لان انتقدس لي وصراحتس وياي ريحتني وخلتني اقدر الموقف واحصل رد يحاكي اللي داخلي

فديت اهلي وميمي وصديقاتي وزميلاتي وكل من دعا لي
ان شاء الله بكون عند حسن ظنهم وعند حسن تربية امي لي الله يخليها لي ولا يحرمني منهاا

الدنيا ماتدرس عبث ... ^_^

سلامي لشلتس وقولي لهم اني شاكره لهم اهتمامه بموضوعي وتحمسهم ع الرد والنقد فيه

دوي اتاشي ماشيتا<< العفو+لاشكر ع واجب...

[ريم الغلا]

السلام عليكم ورحمة الله وبركاته
والله موضوعتس بنسبه لي على الجرح انا مثلتس واكثر منتس بعد
عندي نصيحه لتس خوذيه من مجرب ولا تخذينه من طبيب (الظاهر كذا المثل بس خوذي الزبده)المهم
اسمعي اهم شي بها الدنيا اهلتس وصدقاتس الواثقين بتس وغيرهم ما يهم وعيشي حياتس وعاملي الناس على طيبعتس
وانا والله اني تعبت مره مثلتس وسويت لنفسي قاعدات اذا دخلت الكليه اانسى مشاكلي الي برا الكليه وادخل اضحك وأهسترالي يشوفن يقول انه مرتاحه ومبسوطه وانا نفس اسلوبتس عربجيه مره وصوتي عالى ( يقول المثل كلن يشوف الناس بعين طبعه)
ولا تهتمين لان فيه ناس بهم مرض نفسي اذا ما عجبتيهم قام يتكلم من عنده او صار معتس موقف معه
واذا طلعت من الكليه انسى اللي فيها احمدي ربتس وكثري الاستغفار وسبحي وهللي واذا دخلتي الكليه قولي دعاء ( وجعلنا من بين ايديهم سدا ومن خلفهم سدا فاغشينهم فهم لا يبصرون)وأقري سوره الملك والحشر والكهف والبقرة وشوفي بعده بوساعت صدر مره سبحانه ( الا بذكر الله تطمئن القلوب)وقريهم قبل ما تنامين واذا اصبحتي اقريهم مع اذكارتس واذا صليتي قولي حسبي الله ونعم الوكيل (والله احمدي ربتس انتي بس بلكليه وبنات غرب مجرد انتس تخلصين الكليه بتنسين كل شي اما انا من الطرفين قريب وغريب الله يعين ان شاءالله )
وكلام الناس خوذي الزين وخلي الشين والتزمي بعدات اهلتس ودينتس وبس وعيشي حياتس وفليه بعد واضحكي وهستري يا بعد حيي بالتوفيق ان شاء الله ربي يحميتس من عين ترجيتس ويطعمتس خيرهم ويكفيتس شرهم

[فديت شلتي]

وعليكم السلام ورحمة الله وبركاته

_ ريـــم الغلآ

هلابس يالغلا حياس حلوتي بموضوعي ومعاناتي
كلامس ع راسي وسطورس بعيوني
وصدقيني هالفتره جالسه اعيش حيااتي بعيد عن نظراات العالم لي
وصادقه اهم ششي اهلي وصديقاتي لا خلا و لا عدم
وانتي هم لاتهتمين ويزين من مات مظلوم ولا مات ظالم
والغريب والقريب حاليا صارو شي واحد ...
بس فيه رب ماينسى عباده صدقين انا حاليا مرتاحه .. ومافيه اي شخص بالعالم يتفق عليه البشر
والحقد والكرهه صارو اكثر الاسباب بهالاشاعات مو بس الطباع والشكل والاستايل والصوت والهستره

اهتمي بحالس وشاكره لس طلتس ..
امين وياااس ونصايحس ع راسي
موفقه


.. اللهم يامقلب القلوب ثبت قلبي على دينك ..

[ريم الغلا]

هلا والله حبيبتي تسلم عيونتس
والله ما توقعتس تردين على العموم والله انتس صادقه بس سوي اللي قلتلتس وبترتاحين اكثر من اول
الله يطمن حالتس و يستر عليتس بالدنيا والاخره
بس ودي اكون صريحه معتس شفت الردود وقريت اسم اختس يمكن تكونين اللي بالي بس مجرد احساس
اني اعرفتس ما ادري بس اتمنى من الله عزوجل يخليتس لاهلتس وصدقاتس واللي يحبونتس

[فديت شلتي]

هلابس اكثر .. وعنونس
ع خير ابشري ولا يهمس ...

_ اها يمكن يالغلا .. امين ويااس

موفقه ..


.. اللهم يامقلب القلوب ثبت قلبي على دينك ..