نقاش حول الزي الرسمي ,,

[عزتي اجمل صفاتي]

بسم الله الرحمن الرحيم ,,

اتمنى الكل يفهم الموضوع انا حبيت اعقب على موضوع الزي الرسمي

طبعا انا حبيت انه يكون زي الكليه زي محتشم وماله تقيد بالالوان يعني الكليه فرضت علينا لبس معين طيب فيه اللي ماتقدر توفر هالشي يعني ماتقدر توفر بلايز المحدده بالالوان الي فرضت يعني فيه بعض البنات ظروفهم ماتسمح ومو معقوله تجلس ع بلوزتين كل الترم يعني فيه بنات ماعندها ميزانيه تقدر توفر لبس كليه وتوفر لبس الطلعات ومو معقوله كل لبس الطلعات يكون الوانها كذا يمكن المنتظمات تقدر توفر هالشي من المكافأه مع انها تروح كلها ع توفير مستلزمات الكليه طيب والمنتسبات اللي ماعندها مكافأه وتلزمونها في هالشي والله حرااام اتمنى تتفهمون هالشي وتنظرون لبعض البنات اللي انا شفتهم اللي مايقدرون يوفرون اللي فرضت عليهم الكليه
يعني الالوان عادي لاكن خلو الالزام بانه يكون محتشم ولايكون شفاف وماتكون التنوره فيها فتحات ولاقصيره يعني انا ابفهم ايش دخل ماتكون البلوزه فيها رسومات او نقووش هل هذا يعني بينقص من هيئه مكان التعليم او ايش يعني انتو تفرضو علينا شي مستحيل وتصعبو علينا هذا غير استغلال الاسواق لنا لما يعرفو ان هذا اللبس المفروض بالكليه يعني مثلا لما تكون البلوزه قبل 70 تكون بعد ماجبرت الطالبات 100 لانهم شافو الاقبال عليها يعني الطالبات هم المتظرارت بعدين وين القدوه انا ماشوف هالشي طبق على منسوبات الكليه ولا حلال عليهم وحرام علينا بمجرد ان اسمائنا طالبات ومالنا الحق ولازم يكون فيه متحكم فينا احنا نبغى حريه الراي لاكن بحدود انه يكون ساتر لاكن مو لدرجه انه تحدد الالوان اتمنى هالشي ينفهم وبدون حزازيات ,, واتمنى الموضوع ينقاش من قبل المسؤلين ,,

[أبكاني ذنبي]

احب اظم خطي الى خط غاليتي :في ان الزي ياليت يكون مسموح كل الألوان
وياليت يشوفون البلايز الشفافه والتنانير الميدي ياناااااااااااااس خافو الله
وجزاكم الله الجنان

[شذا الورد]

بالنسبه لي ما أرى مانع من تحديد الألوان بس مايشددون علينا اكثر يعني لاااازم تكون البلوزه بدون نقوش ولارسومات إهىء والله صعب ألقى بلوزه ساااده وإذا لقيتها يصير كل بنات الكليه نفس بلوزتي



اما المنتسبات اتوقع عادي لو لبست ملون لانه حتى لو مسكوها وش بيضرها ماراح يعطونها لاغياب ولاغيره

[نور]

مرحبا أختي

بالعكس كلنا مبسوطين بالزي
سمح بألوان مرفوضه زمان .. وكل الناس تحدد الزي بالكليات مو بس حنا
وصدقون الي سمحوا فيه خير وبركه وكله ألوان هاديه

أما لو على النقوش فعرفت اليوم من شؤون الطالبات أنها الصور الحيه والرسوم المبهرجه أما الناعم لا

هم ما يفكرون بالسوق ولا أحد لابس مثلك أو لا .. هم يفكرون بالنظام بالكلية بدل الحفلات الي نشوفها كل صبح .. فكري فيها شوي

ولا تقولين الموظفات .. النظام للطالبات بس وحنا نعرف هالشي من زمان

شكرا لطرحك للموضوع

[عزتي اجمل صفاتي]

شكرا ع مروركم واحب اوضح لاختي نور ان اغلب الجامعات مافرضت اللبس بالتشدد هذا وانا كل اللي اعارفهم في جامعات الرياض لبسهم عادي وماحددو لهم زينا بعدين لازم يناظرون مصلحه الطالبه يعني حنا نلاقيها من كليه ولامن غيرها بعدين ابي افهم الحين الكليه تاركه كل شي وحاطه حيلها في اللبس يااختي خليهم يروحون ينظمون نفسهم بالاول وينظمون قوانينهم ويعرفون ايش اللي لهم وايش اللي عليهم ويشفوون التسيب من قبل منسوبات الكليه ويشفوون الاستهتار بالطالبات من قبلهم والرد عليهم باسالايب لافيها ذووق ولا ادب ولاحد يقوولي مافيه زي كذا الى فيه وانا عانيت من هالشي بعدين ياليت يهتمون في شي اعظم ويخلوون الامور التافهه اللي تتعلق باللبس ياليت يشوفون الظلم وياليت يهتمون في امور الجوالات اللي صرنا نخاف ع انفسنا منها بعدين انا اللي اعرفه انه صدر امر بمنع احضار جوالات الكاميرا من قبل منسوبات الكليه لاكن انا ماشوف ان هالشي طبق انا كل مامشيت شفت مع وحده جوال فيه كاميرا ليه تحللون ع افسكم شي وتحرمونه علينا بعدين ياليت انكم تطبقون الاوامر اللي تصدر بحقكم عشان حنا نطبق وانا اشوف انه كل ماتولى احد عماده الكليه اول مايصدر نظام في حقه نظام اللبس تاركين كل شي وكل تسيب في الكليه وحاطين حيلهم في اللبس يابنات نبي نضم صوتنا مع بعض ونطالب بسماح بالالوان ,,

[ألماسة]

وش الالوان المحددة

[عزتي اجمل صفاتي]

هذي هي الالوان المحدده ونص الموضوع اللي حدد فيه الزي الرسمي :
على جميع الطالبات الالتزام بالزي المحتشم بالكلية (غير شفاف +فتحة الصدر صغيرة)وفقا للألوان المسموح بها وهي:
1-الأبيض
2-الأسود
3-البني
4-الرصاصي
5-البيج
6- السماوي
7-الزهر وليس الفوشي
8-الكحلي وليس الفيروزي
9-الزيتي وليس التفاحي
على أن تكون بدون نقوش أو رسوم وأن تكون التنورة سوداء طويلة وبدون فتحات

[عروبة]

كنت أتمنى حماسكم هذا يكون في أمور العلم بدل من الكلام (اللي مالوش طعمه) أكيد أنكن لاحظتن التسيب اللي صار بالزي عند ماكانت الألوان مسموحه

[امولا ~]

سؤالي هنا : وش فيهاا لما البس بلايز ملونه

وش هالتقييد بالالوان ؟

طيب فيه نااس ماعنده

انا مع وحده من الاخوات لما قالت مصلحة الطالبه اولى

لو فكرتوا من جد اولى من اي سبب ثاني

يعني ابي افهم هل هي حرام الالوان والا وش العيب فيها ؟

قال نظاام جامعه قال

والا كله كووم والمعتقل كوم ثااني

الله يهديهم بس لو ياخذون المخالفات على الفتحات والقصير والشفاف صرنا بخير

واللي اعرف ان كل الكليات التابعه لجامعة القصيم >> طبعا كعادتنا لازم نستثني كليتنا

والجامعه نفسها يسمحون بكل الالوان

ابو الكليه اللي تنفذ الانظمه اللي تعجبها

الله يهديهم بس :(

[الفتات المرحه]

طيب المنتسبات عادي

[شذا الورد]

مرحبا أختي

بالعكس كلنا مبسوطين بالزي
سمح بألوان مرفوضه زمان .. وكل الناس تحدد الزي بالكليات مو بس حنا
وصدقون الي سمحوا فيه خير وبركه وكله ألوان هاديه

أما لو على النقوش فعرفت اليوم من شؤون الطالبات أنها الصور الحيه والرسوم المبهرجه أما الناعم لا

هم ما يفكرون بالسوق ولا أحد لابس مثلك أو لا .. هم يفكرون بالنظام بالكلية بدل الحفلات الي نشوفها كل صبح .. فكري فيها شوي

ولا تقولين الموظفات .. النظام للطالبات بس وحنا نعرف هالشي من زمان

شكرا لطرحك للموضوع

تبارك الرحمن يانور الله ينور عليك
كلامك أوافقه 100%

[أفنان]

قال نظاام جامعه قال
والا كله كووم والمعتقل كوم ثااني
الله يهديهم بس لو ياخذون المخالفات على الفتحات والقصير والشفاف صرنا بخير
واللي اعرف ان كل الكليات التابعه لجامعة القصيم >> طبعا كعادتنا لازم نستثني كليتنا
والجامعه نفسها يسمحون بكل الالوان
ابو الكليه اللي تنفذ الانظمه اللي تعجبها
الله يهديهم بس :(


بالعكس يا امولا
افضل كليه متساهله هي كليه الرس هذا الترم
وقرارهم كان متزن ومرضي
واليك ما كتبتة احد طالبات جامعه القصيم

تخيلوا........بنت الاولى على كلية الاقتصاد والاداره..الاعلى بالمعدل لكل المستويااااااات حرمت من الترم بالكاااامل عشان لبس!!!!!!!!!!!
وانا............................اكرررررررف وادرس واتعب واخرتها يحرموووني عشان بلوزه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ للحين مانزل لي حرماان الحمدلله..بس قالت لي المشرفه بينزل اكيد!!!!
تخيلوا قالوا لنا لازم تلبسون ابيض واسود وبيج بسسسسسسسسسسس !!!! قلنا اووكي مايخالف!!
صح صرنا تقل نمل وصراصير...بس قلنا خلاص هذا قرار ولازم نلتزم فيه!!!!!

واخرى كتبت

السلام عليكم
وش اخباركن يافراشات
انا اول مره اكتب موضوع يالله عاد لاتخيبن ظني فيكن
عندي استفسار بسيييييييط
انا من طالبات جامعة القصيم هذي السنه يعني new
وهم كاتبين في الورقه ان الزي تنوره سوداء والبلايز اسود وبيج ورمادي
والسؤال لازم نتقيد في الزي المكتوب والا عادي نغير
والاكمام لازم طويله بنات العام يقولون عادي ربع او نص او حاير
وحبيت اتأكد منكم اذا فيه احد من بنات الجامعه او تعرفون احد
بليييييز ردو على

وثالثه كتبت

السلام عليكم

أنا أحد طالبات جامعة القصيم والزي لدينا موحد (أبيض،أسود) وساتر ومن تخالف القوانين تعاقب.

أما بالنسبة لرأي أختكم حول المكافآت قد تكون حيلة منها (عشان تسحبك للسوق) . لا أنكر أن هناك من تبالغ في لبسها لكنها حالات أقل من أن تعمم أو حتى أن يستشهد بها في مثل هذه المواقف وغيرها.

وشكرا ً ،،،

ورابعه كتبت

المفروض يصير زي موحد فيه بنات ماتقدر تنافس عرض الازياء الموجود في الكليات // فيه فقرا ياناس

[عزتي اجمل صفاتي]

كنت أتمنى حماسكم هذا يكون في أمور العلم بدل من الكلام (اللي مالوش طعمه) أكيد أنكن لاحظتن التسيب اللي صار بالزي عند ماكانت الألوان مسموحه

اختي عروووبه ,,

ع معتقد ان الدفاع عن مصلحتنا والتلكم في شي يخصنا ماعتقد انه كلام مالوش طعمه ع قولتك ,,

يعني ع معتقد انا ماقصرنا في حق التعليم لاكن مافيه مانع يكون حماسنا في التعليم وفي امور شخصيه يعني جامعين الاثنين ,,

عموما انا كاتبه الموضوع اللي مو عاجبهم الوضع واتمنى من الاخوات اللي عاجبهم الزي المحدد انها ماتجلس تقنعنا يعني انا حاطه الموضوع للبنات اللي مو راضين ع الوضع

(وللعلم انا متنسبه عشان ماتحسبون اني منتظمه يعني انا ماعلي لو جيت بزي مخالف او لا بس انا حبيت انقد ع الوضع سواء كنت منتسبه او غيره لاني انا انسانه صريحه وماارظا بالظلم )

[بريق الذهب]

طبعا انا حبيت انه يكون زي الكليه زي محتشم وماله تقيد بالالوان يعني
الالوان عادي لاكن خلو الالزام بانه يكون محتشم ولايكون شفاف وماتكون التنوره فيها فتحات ولاقصيره

السلام عليكم ورحمة الله وبركاته

انا مع هذا الكلام

[حووور]

طبعا انا حبيت انه يكون زي الكليه زي محتشم وماله تقيد بالالوان يعني
الالوان عادي لاكن خلو الالزام بانه يكون محتشم ولايكون شفاف وماتكون التنوره فيها فتحات ولاقصيره

السلام عليكم ورحمة الله وبركاته

انا مع هذا الكلام




مي توووو : )