يا ناس ارحمونا ترانا بشر !!!!!!!!!!!!!!!!

[dark girl]

اكثر من مرة كتبت هنا بهالمنتدى سواء بالعام او الخط الساخن ولا احد يعطيني وجه ألغوا هذا المندى وش فايدته اذا كان مافيه تفاعل بين المعلم والطالب
العميدة تقول الطالبات لا يجون لمي
رئيسة القسم ما تتواجد بمكتبها ولا تعطي وجه اصلاً
المعلمات ما يرحمون ويعتبرون الطالبة عندهم كمبيوتر يتلقى الاوامر
وش صار بالدنيا
حرام عليكم ليش تدخلون جزء الشهري مع النهائي لا وبعد تقدمون الاختبارات وين الوقت اللي نبي نذاكر فيه وخصوصا ان احنا 2/ E
نبي نبدا بالعملي هذا الاسبوع وما فيه وقت انا نذاكر للشفوي او للنهائي من غير المناهج قصدي المجلدات اللي تدخل معنا بالنهائي ليش انتم تعقدونا كذا على بالكم ماعندنا احساس والله الحيوان يرحم اكثر من رحمتكم لنا ( الا انتم اصلا ما ترحمونا )
لا وبعد وحده من معلمات المواد المشتركة تقول ليش يالانجليزي درجاتكم كذا مالكم عذر ..... ليش يعني الانجليزي عقولهم كمبيوتر من بد الاقسام الباقية
اصلا احنا يالانجليزي ما معنا وقت نذاكر فيه من المواد الشفوية وعندنا 14 مادة ما كأنا جامعة وكل مادة اصعب من الثانية
يعني تبون تصفونا تصفية .. كل ما نجي بسنة يصعبون علينا ويسهلون على السنوات اللي قبلنا واللي بعدنا .. وحنا اللي نروح فيها ؟؟؟؟؟؟!!!!!!!!!!!؟؟؟؟؟؟؟؟؟؟؟!!!!!!!!!!!!؟؟؟؟؟؟؟؟؟؟ ؟؟؟؟؟؟؟؟!!!!!!!!!؟؟؟؟؟؟؟؟؟؟؟؟؟؟؟؟؟

[الغيوورة]

قال تعالى: " وعسى أن تكرهوا شيئاً وهو خير لكم"
اذكري الله يا بنت الحلال وهدي بالك..
كلنا والله نعاني من المناهج وصعوبتها ومن الجداول لكن خلاص مسَلمين أمرنا لله إذا مكتوب لنا النجاح راح ننجح وإذا مكتوب لنا الرسوب راح نرسب لكن الانسان يبذل ما في وسعه والتوفيق بيد الله صحيح انصدمنا كثير في الاختبارات الشهرية ببعض المواد لكن الشكوى لله و طالما إني ما قصرت في المذاكرة وبذلت جهدي وتمكنت من حفظ المادة وفهمها وخانني التعبير في الورق أو الأسئلة فيها غموض وما جاوبت خلاص ما أحزن إذا كانت درجاتي متدنية لأن الله يعلم بالجهد اللي بذلته وهو الكفيل يعوضني خير يعني صحيح الدرجات مو على المستوى اللي نطمح له لكن مرتاحة لأني أعلم إن هذا الشيء مدخر لي في الآخرة والخيرة فيما اختاره الله..
أنتي توكلي على الله وقدمي واجبك وصحيح إن الوقت ما يتسع لنا لكن هذا قدر الله وراضين فيه (ومن يتوكل على الله فهو حسبه) والواحد يفكر في الآخرة ودرجاتها الدنيا متاع زائل ما عليه حسوفة..

[لولو]

عادي شوفي رابع انجليزي يخلصون الثلاثاء لهم حوالي شهر يختبرون الشهري وكل ماده اصعب من الثانيه خاصه المشترك
وبيبدون بلضبط النهائي بعد اسبوع وثلاث ايام يعني مارتاحو ولا جمعوا مناهج بعد الشهري
على الاقل انتم مرتاحين ومعطلين من الشهري لكم كم يوم بس هم
وخاصه موادهم مشاءاللللللللللللللللللللللللله 13 ماده

[queen]

مثل ماقالت الاخت
قال تعالى: " وعسى أن تكرهوا شيئاً وهو خير لكم"

هذي هي الدنيا ^_^ وهذا طلب العلم الله يكفينا شره..

وبعدين احمدي ربك انتم لكم اسبوع مخلصين اختبارات

شوفي حنا ثالث خلصنا امس والسبت الجاي نختبر مواد المحمول تبع الترم الاول(عشان الخطه الجديده) والاسبوع اللي بعده عملي واللي بعده النهائي ....

هونيها وتهون على اجر انشالله

[ِ~ حنين الذكريات ~ِ]

يابنت الحلال هونيه وتهون ...

حنا الاسبوع الجاي إمتحانات النظري العملي وتونا مخلصين شهري يعني

إمتحانات ورى بعض ... بس ربك يعين ...

الله يكون بعونك أختي ويوفقك ,,,

[احساس انثى]

معليش الإمتحانات ورى بعض كل الكليه مو بس حنا
لكن قمة القهر إذا خططوا لك بالشهري وجاء النهائي قالوا كله معكم طيب ليه يخططون من الأساس كان خلوه كله معنا ودرسناه بالشهري عشان يسهل بالنهائي
بس ماأقول إلا الله يعينناعلى هالكليه

[**نهـــر**]

أحححح أح أح وش فيك معصبة ومولعة :mad:

يعني تبين شهادة بكالوريوس في الأدب والتربية بلووووشي :p

انت جالسة تشتكين من متطلب لحصولك على هذه الدرجة !!!

وبعدين اسم المعلمات استاذات بالجامعة ياأبلا !!

وليه يحذف الشهري انت طالبة بكالوريوس ولا ماجستير !!:rolleyes:
المادة العلمية اللي أخذتيها مامرت عليك الا مرة واحدة
وعموما دائما اللي بالشهري يكون بداية المادة وهو اساسي جدا
يعني لازم يدخل ويتربس في مخك ؟

وايه نعم الانجليزي قسم مميز:D مايختلف عليها إثنين؟؟؟
ولا عندك شك !!!

[امل]

ماقول غير الله يرحم الحال وانا اختك
اذا على العميدة انسي تدخلين علية اتذكر مرة رحنا نبغاه ضروري وطبعا (( سكرتيرات العميدة )) رفضوا ندخل والله حسيت نفسي جاية اقابل مدير عام بشركة مو عميدة لكن امانة وكما سمعت انه هي ماترفض لكن اللي عنده هم اللي مايعطونه خبر
اما بالنسبة للمنتدى والله فرحنا اول ماحطوة قلنا يمكن نصير مثل الجامعات الثانية فية تواصل بين هيئة التعليم والطالبة لكن ....
اما جزء الشهري والله معك حق المناهج مرة مرة طويلة بصراحة وماعتقد فيها شي لو خففوا علينا
الاخت نهر مااظن البنت قالت شي غلط ومن حق اي طالبة تطالب بالتخفيف سواء كانت ماجستيراو غيرة

[يكفي حضوري ..!!]

نهررررررر

بالله انتي طالبه ؟؟!!

بصراحه اشك

مهما كان ما فيه طالبه ترضى انه تدرس أكثر من طاقته

وهم يعطوننا أكثررر من طاقتنا

حشى يحسبوننا كمبيوترات

وليتنا ناخذ حقنا من الدرجات

[dark girl]

أشكركن أخواتي على الردود كل الشكر منكم اللي واساني ومنكم اللي خفف عني الله يفرج عنهم ( ومنهم اللي كأني طالبتها هي ما طلبت العميدة
( ما عهدتك كذا يا نهر كنتي أخلاق ما أدري إيش اللي غيرك لو كنتي طالبة كان اول من يصوت أنتي والدليل ردك هذا وردك على توحيد الزي وبعدين كل جا معات المملكة يحذفوا جزء الشهري من قلك اننا ناخذ الشهادة وحنا مرتاحين حنا نسهر طول الليل ونجي للكلية ما خلصنا المادة و اللي ايده بالمويا وبالكلية جالسة بمكتبها تحت المكيفات وما حست باللي حسينا فيه مثلك مو مثل اللي ايده بالنار
وردك ان اللي بالكلية استاذات مو معلمات اعتقد كله واحد المعلمة تعلمنا وتدرسنا وش فرقه عن الاستاذة ( المعنى واحد )
عالعموم اختلاف الرأي لا يفسد للود قضية .......