أبد ماجيت أبارك ولكن جيت باوصيك

[ريم]

أبد ماجيت أبارك ولكن جيت باوصيك
على اللي ناوي تدخل بها الليله معذبتي
ترى لولا الظروف اللي عطتك وحدت محاكيك
قسم بالله ماتدخل عليها لو على رقبتي
ولكن النصيب أقوى ولاادري ويش أسوي فيك
نعم صارت معزبتك ولاصارت معزبتي
كذا شاءت بنا الأقدار تحرمني لجل تعطيك
كذا لازم عشان تفور أنت أخسر بتجربتي
تراها غالية جدا وتكفى والله يخليك
تدللها وتدلعها تنسيها مداعبتي
أنا من كثر مااغليها أحس أني بديت أغليك
ولاتسأل بأية حق ولا وش مناسبتي
لإنك لو بتسألني بتسمع شي مايرضيك
لذا ياخوي لاتسأل ولاتسمع لأجوبتي
أبيك تحطها في داخل عيونك وبين ايديك
تراها أخت بدر وألحين تراها أختي
واذا هي مالها خلقك ولاتضحك ولاتسليك
ياويلك تكلمها ولو كلمة تجننتي
وبالك اسمع إنك يوم تضربها وهي تشكيك
مايحتاج أوري لك بفن الضرب موهبتي
صحيح إنك بتملكها ومعك العقد بالتمليك
وأنا عارف حدود الله ومن حقك معاقبتي
ولكن قلها المجنون وصاني وهو يعنيك
يقول أنك بتبقين حلم ولوإنك تشيبتي
وأنا مجنونها اللي مانساها وأنت مايمديك
تغطي ذكرياتي في هواها وربع تجربتي
احس إني تماديت بكلامي والغضب حاديك
لو انك في مكاني ماتفكر في محاسبتي
كفاك إني تركت الليله أشغالي عشان أجيك
دخلت القاعه برجلي ولاادري ويش عاقبتي
وأنا ماجيت أخرب عرسك الليله ولاأذيك
أنا جيتك عشان أخاطبك واسمع مخاطبتي
توصى وانتبه واحرص عليها والله يهنيك
ترى كل الكلام اللي طلع من ضيقتي وكبتي
ولكن ماقدرت أقوله وأنت مايخفيك
أخاف أني إذا قلته تقوم وتقطع رقبتي